საგარეო უწყება - გერმანიის ფედერალური მთავრობის წარმომადგენელმა  აღმოსავლეთ პარტნიორობის ფარგლებში საქართველოს ნაბიჯებს მაღალი შეფასება მისცა

საქართველოს საგარეო საქმეთა მინისტრმა, დავით ზალკალიანმა მიუნხენის კონფერენციის ფარგლებში შეხვედრა გამართა გერმანიის ფედერალური მთავრობის კოორდინატორთან რუსეთის, ცენტრალური აზიის და აღმოსავლეთ პარტნიორობის საკითხებში დირკ ვიზესთან, - ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, შეხვედრაზე განსაკუთრებული ყურადღება გამახვილდა საქართველოს ევროინტეგრაციის პროცესზე, მათ შორის აღმოსავლეთ პარტნიორობის მომავალზე და გერმანიის, როგორც ევროკავშირის წამყვანი სახელმწიფოს როლზე ამ პროცესში.

ქართული მხარე აღმოსავლეთ პარტნიორობის საკითხებში გერმანიის მთავრობის მიერ სპეციალური ელჩის დანიშვნას მიესალმა, რაც კიდევ უფრო შეუწყობს ხელს ფორმატის საკითხებში გერმანიის აქტიურ ჩართულობას.

მხარეებმა ასევე ისაუბრეს ევროკავშირის საბჭოს თავმჯდომარეობის პერიოდში გერმანიის პრიორიტეტებზე. კიდევ ერთხელ ხაზი გაესვა საქართველოს წარმატებას აღმოსავლეთ პარტნიორობის ფორმატში, გერმანულმა მხარემ კიდევ ერთხელ აღნიშნა საქართველოს მნიშვნელოვანი წინსვლა რეფორმების განხორციელების, დემოკრატიის კონსოლიდაციის და მდგრადი ეკონომიკური განვითარების თვალსაზრისით.

საქართველოს საგარეო საქმეთა მინისტრმა ფედერალური მთავრობის წარმომადგენელს მიაწოდა ევროკავშირთან ასოცირებული ქვეყნების - საქართველო, მოლდოვა, უკრაინის ე.წ. ტრიოს ერთობლივი ინიციატივები და საქართველოს ხედვა აღმოსავლეთ პარტნიორობის მომავალთან დაკავშირებით.

შეხვედრაზე საუბარი ასევე შეეხო საქართველოს ოკუპირებულ რეგიონებში განვითარებულ პროცესებს, ადამიანის უფლებების დაცვის მხრივ არსებულ უმძიმეს ვითარებას. დავით ზალკალიანმა მადლობა გადაუხადა გერმანიას საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის, რისი ერთ-ერთი გამოხატულება იყო კანცლერი მერკელის ვიზიტი საოკუპაციო ხაზზე. ხაზი გაესვა ასვე ორმხრივ ფორმატებში გერმანია-საქართველოს წარმატებულ თანამშრომლობას.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით