დიდთოვლობის გამო, ბახმაროში ვერტმფრენის სადგომი ანგარი ჩაინგრა, რომელმაც ტურისტების გადასაყვანი ვერტმფრენი მოიყოლია. აღნიშნულის შესახებ „ინტერპრესნიუსს“ ბახმაროში ერთ-ერთმა მცხოვრებმა განუცხადა.

ადგილობრივის განმარტებით, ანგრის ჩანგრევის შედეგად არავინ დაშავებულა. მისივე თქმით, ვერტმფრენის სადგომის შეკეთება ვერ ხერხდება, ვინაიდან ბახმაროში დაახლოებით, 3-მეტრამდე თოვლია.

საგანგებო სიტუაციების სამსახურში კი „ინტერპრესნიუსს“ განუცხადეს, რომ მათთან აღნიშნულ შემთხვევასთან დაკავშირებით შეტყობინება არ შესულა.