დავით ზალკალიანი მიუნხენის კონფერენციის ფარგლებში სლოვენიელ კოლეგას შეხვდა

მიუნხენის კონფერენციის ფარგლებში საქართველოს საგარეო საქმეთა მინისტრმა სლოვენიელ კოლეგასთან მირო ცერართან შეხვედრა გამართა, - ამის შესახებ „ინტერპრესნიუსს“ საგარეო საქეთა სამინისტროდან აცნობეს.

მათივე ინფორმაციით, მინისტრებმა დაადასტურეს ქვეყნებს შორის არსებული მაღალი დონის მეგობრული ურთიერთობები და ურთიერთმხარდაჭერა ყველა მიმართულებით.

კიდევ ერთხელ ხაზი გაესვა სლოვენიის მხრიდან საქართველოს სუვერენიტეტისა და ტერიტორიული მთლიანობის მხარდაჭერას, ისევე როგორც საქართველოს ევროპული და ევრო-ატლანტიკური ინტეგრაციის პროცესის შეუქცევადობას.

მინისტრებმა მიმოიხილეს სხვადასხვა სფეროში თანამშრომლობის განვითარების პერსპექტივები, მიესალმნენ ტურიზმის სფეროში აქტიურ კომუნიკაციას და სლოვენიის მხრიდან ტურისტების ზრდას საქართველოში, რასაც თავის მხრივ ხელი შეუწყო სლოვენიის მიერ საქართველოს უსაფრთხო ქვეყნის კატეგორიაში შეყვანამ, რაც კიდევ ერთი აღიარებაა საქართველოს მიერ წარმატებული რეფორმების განხორციელების, დემოკრატიის კონსოლიდაციისა და ეკონომიკური განვითარების თვალსაზრისით.

საუბარი ასევე შეეხო ევროპის საბჭოში საქართველოს თავმჯდომარეობას და მაღალი შეფასება მიეცა საქართველოს მიერ წარდგენილ თავმჯდომარეობის პრიორიტეტებს. მინისტრები შეთანხმდნენ მაღალი დონის ვიზიტების გაცვლაზე.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა