ქუთაისში, ჭავჭავაძის გამზირზე არსებულ ე.წ. კეჩის ბაზრობაზე ხანძარი ლიკვიდირებულია.

დამწვარია ბაზრობის დაახლოებით 100 კვადრატული მეტრი, ცეცხლი მხოლოდ ადმინისტრაციის ოთახებზე გავრცელდა, შესაბამისად, მომხდარის შედეგად, არ დაზარალებულან მეწარმეები. ხანძრის შედეგად არ არიან დაშავებულებიც.

ადგილზე რვა სახანძრო-სამაშველო ეკიპაჟი და 40 მეხანძრე მაშველი იყო მობილიზებული.

ხანძრის გამომწვევი მიზეზი უცნობია. მომხდარზე გამოძიება დაიწყო.