ბაშარ ალ-ასადი - ომი ჯერ არ დასრულებულა, თუმცა ეს სრული გამარჯვების პრელუდიაა

სირიის პრეზიდენტის, ბაშარ ალ-ასადის თქმით, სამთავრობო ძალები გააგრძელებენ შეტევებს ქვეყნის ჩრდილო-დასავლეთით, რომ კონტროლი დაამყარონ აჯანყებულების ბოლო გამაგრების ადგილებზე. მისი თქმით, ომი ჯერ არ დასრულებულა, თუმცა „სრული გამარჯვება“ უკვე ახლოსაა.

„გათავისუფლება არ ნიშნავს, რომ ომი დასრულდა, არც იმას, რომ გარკვეული სქემები შესრულდა, არც ტერორიზმის დამარცხებას და არც მტრების განადგურებას ნიშნავს, მაგრამ ეს ნამდვილად ნიშნავს, რომ მათ ცხვირით ტალახი ვაწმენდინეთ, რაც სრული გამარჯვების პრელუდიაა და იმას ნიშნავს, რომ ისინი ადრე თუ გვიან დამარცხდებიან“, - განაცხადა ასადმა.

ასადი ოფიციალური ანკარის პოზიციასაც გამოეხმაურა და განაცხადა, რომ მიუხედავად „ჩრდილოეთიდან მომავალი განცხადებებისა“, ბრძოლები გაგრძელდება, რომ ალეპოს და იდლიბის მიმდებარე ტერიტორიები გათავისუფლდეს.

შეგახსენებთ, სირიასა და თურქეთს შორის ვითარება განსაკუთრებით მას შემდეგ დაიძაბა, რაც ასადის ჯარებმა რუსეთის სამხედრო დახმარებით ანკარის მიერ მხარდაჭერილი ოპოზიციური ძალები ბოლო გამაგრების ადგილებზე ინტენსიური თავდასხმები განახორციელეს. შეტაკებების შედეგად, ანკარას ცნობით, ათობით თურქი ჯარისკაცი დაიღუპა. თურქმა ოფიციალურმა პირებმა არაერთხელ მოუწოდეს რუსეთს შეესრულებინა ვალდებულებები და შეეკავებინა „თავის მოკავშირე ასადის რეჟიმი“, რასაც მოსკოვის მხრიდან ქმედითი ნაბიჯები არ მოჰყოლია.

გაეროს ინფორმაციით, დეკემბრიდან მოყოლებული, სირიის ჩრდილოეთ ნაწილში მდებარე სოფლები და ქალაქები 900 000-მა ადამიანმა დატოვა. მათ შორის უმეტესობა ქალები და ბავშვები არიან.

იხილეთ ვიდეო: ბაშარ ალ-ასადი - ომი ჯერ არ დასრულებულა, თუმცა ეს სრული გამარჯვების პრელუდიაა

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს