დიდ ბრიტანეთში ქარიშხალ „დენისს“ 3 ადამიანი ემსხვერპლა. ინფორმაციას Euronews ავრცელებს. გამოცემის ცნობით, ქარიშხალმა ბოლო 48 საათში ქვეყანა მნიშვნელოვნად დააზარალა.

უელსის ჩრდილოეთ ნაწილში ქარის სიჩქარემ 146 კმ.სთ-ს გადააჭარბა, უხვმა ნალექმა კი მდინარეების ადიდება გამოიწვია. ხიდების დაზიანების გამო ასობით ადამიანს გადაადგილების პრობლემა შეექმნა. გარკვეულ დასახლებებს ელექტროენერგიის მიწოდება დროებით შეწყვეტილი აქვთ. 3 ადამიანი, რომელიც სტიქიას ემსხვერპლა, წყლის დონის მომატების მომენტში ზღვის სანაპიროსთან იმყოფებოდა.

მედიის ცნობით, სინოპტიკოსები უხვ ნალექს მომდევნო დღეებშიც პროგნოზირებენ.