დამოუკიდებელი დეპუტატის ნინო გოგუაძის განცხადებით, როცა ხელისუფლება თვითონ იწყებს აქციების მოწყობას, ეს მას უსუსურად წარმოაჩენს. ამის შესახებ მან ჟურნალისტებს განუცხადა, რითიც შეაფასა „ევროპული საქართველოს" დეპუტატების ელენე ხოშტარიასა და ირმა ნადირაშვილის სადეპუტატო უფლებამოსილების შეწყვეტის მოთხოვნით გამართული აქცია.

„გასაგებია, როცა ოპოზიციური პარტიები აწყობენ საპროტესტო აქციებს. მაგრამ როცა ხელისუფლება თვითონ იწყებს აქციების მოწყობას, მე არ ვიცი რა მიზნები აქვთ მათ ამ დროს, მაგრამ ეს ძალიან უსუსურად წარმოაჩენს ხოლმე ხელისუფლების წარმომადგენლებს და მმართველ გუნდს. გარდა იმისა, რომ ასეთი კონტრაქციები ყოველთვის საფრთხილოა, მე ვფიქრობ, არასერიოზულიცაა და ეს მმართველი გუნდის სიძლიერეზე არ მიუთითებს", - განაცხადა გოგუაძემ.