ანრი ოხანაშვილი მერაბიშვილზე - ზედმეტია რაიმე ტიპის პოლიტიკურ შანსებზე საუბარი იმ ყოფილ მინისტრზე, რომელიც არაერთი დანაშაულის ჩადენაშია მხილებული

ვფიქრობ, სრულიად ზედმეტია რაიმე ტიპის პოლიტიკურ შანსებზე საუბარი იმ ყოფილ მინისტრზე, რომელიც არაერთი დანაშაულის ჩადენაშია მხილებული, - ასე უპასუხა იურიდიულ საკითხთა კომიტეტის თავმჯდომარემ ანრი ოხანაშვილმა ჟურნალისტების შეკითხვას, აქვს თუ არა პოლიტიკაში რაიმე შანსი შს ყოფილ მინისტრს ვანო მერაბიშვილს.

ანრი ოხანაშვილი ასევე გამოეხმაურა ოპოზიციის წევრების განცხადებებს, რომ შესაძლებელია მერაბიშვილის შემთხვევაშიც იგივე სცენარი განმეორდეს, რაც გიგი უგულავას შემთხვევაში მოხდა და ისიც ციხეში დააბრუნონ.

„ჩემი შესაფასებელი არ არის კონკრეტული პირის პასუხისგებაში ყოფნა/არ ყოფნის საკითხი. თუ ვინმეს დანაშაული აქვს ჩადენილი, ეს სამართალდამცავი ორგანოების კომპეტენციაა, იმოქმედონ კანონის შესაბამისად. თუ ვინმემ მოიხადა სასჯელი და აღსრულდა სამართლიანობა, ითვლება, რომ დასრულდა ეს პროცესი. ვფიქრობ, სრულიად ზედმეტია რაიმე ტიპის პოლიტიკურ შანსებზე საუბარი იმ ყოფილ მინისტრზე, რომელიც არაერთი დანაშაულის ჩადენაშია მხილებული, მსჯავრდებულია და სასჯელის მოხდის შემდგომ ციხიდან უნდა გამოვიდეს,“ - განაცხადა ოხანაშვილმა.

ცნობისთვის, ხვალ შს ყოფილი მინისტრი ვანო მერაბიშვილი ე.წ. მატროსოვის ციხეს დატოვებს.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს