ანა დოლიძე - მერაბიშვილმა ახსენა სიტყვა დამხობა, სინამდვილეში ხალხმა ავარჩიეთ ისეთი სახელმწიფო, სადაც ხელისუფლებებს არ ვამხობთ, არამედ ვცვლით  დემოკრატიულად

ვანო მერაბიშვილი ასოცირდება ძალიან მძიმე ტრავმებთან, ძალადობასთან, ჩაგვრასთან და მასობრივ დარბევებთან, - ასე აფასებს იუსტიციის უმაღლესი საბჭოს წევრი ანა დოლიძე ვანო მერაბიშვილის ციხიდან გამოსვლის შემდეგ გაკეთებულ განცხადებებს.

მისი შეფასებით, მერაბიშვილის განცხადება ხელისუფლების დამხობასთან დაკავშირებით ძალადობის სიმბოლიკას შეიცავს, რომელზეც ქართველმა ხალხმა დიდი ხნის წინ უარი განაცხადა.

„მერაბიშვილის ფიგურა პირდაპირ არის ასოცირებული ძალიან მძიმე ტრავმებთან, ძალადობასთან, ჩაგვრასთან მასობრივ დარბევებთან და რეპრესიებთან. ის გასამართლებულია რამდენიმე სერიოზული ძალადობრივი დანაშაულისთვის და სამწუხაროა, რომ ციხიდან გამოსვლისთანავე მისი პირველი განცხადება უკავშირდება ძალადობის სიმბოლიკას. მან ახსენა სიტყვა დამხობა, სინამდვილეში ჩვენ ქართველმა ხალხმა ავარჩიეთ ისეთი სახელმწიფო, სადაც ხელისუფლებებს არ ვამხობთ, არამედ ვცვლით მშვიდად, დემოკრატიულად, სამართლებრივი არჩევნების მეშვეობით", - განაცხადა ანა დოლიძემ.

როგორც ანა დოლიძე აღნიშნავს, ვანო მერაბიშვილის პოლიტიკაში დაბრუნება გააძლიერებს საზოგადოებაში პოლარიზებას, შესაბამისად, მისი ფიგურა მოგებიანია იმ პოლიტიკური ძალებისთვის, ვისთვისაც მნიშვნელოვანია საზოგადოების დაყოფა/დაპირისპირება.

შეგახსენებთ, რომ ე.წ. მატროსოვის ციხიდან ახლად გამოსულმა ყოფილმა პრემიერ-მინისტრმა ვანო მერაბიშვილმა განაცხადა, რომ აქტიურ პოლიტიკაში ჩართვას გეგმავს. მან საზოგადოებას პირობა მისცა, რომ "საქართველოს დღევანდელი ხელისუფლება 1 წელიწადში დასრულდება", რაც მისი თქმით, „აუცილებელია, იმისთვის, რომ ქვეყანაში დაიწყოს განვითარება, ხალხის კეთილდღეობა გაიზარდოს, გაქრეს უიმედობა, ახალგაზრდობას მიეცეს პერსპექტივა, ადამიანებს დასაქმება და ღირსეული ხელფასი, მოხუცებს კი ღირსეული პენსია". ამასთანავე, მერაბიშვილის განცხადებით, ხელისუფლების დამხობის მერე, „მატროსოვის" "კარი ფართოდ გაიხსნება და ყველა პოლიტპატიმარი გათავისუფლდება".

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო