გერმანიაში დღეს მომხდარი თავდასხმების სავარაუდო მოტივი ქსენოფობიაა

დღეს ფრანკფურტთან მომხდარი სროლების შედეგად დაღუპულთაგან რამდენიმე პირი სავარაუდოდ, თურქი ეროვნებისაა. ინფორმაციას გერმანული და თურქული მედია ავრცელებს. გავრცელებული ცნობით, თავდასხმის მიზეზი სავარაუდოდ, ქსენოფობიაა.

„იმედი გვაქვს, რომ გერმანიის ხელისუფლება მაქსიმუმს გააკეთებს, რათა ვითარებას ნათელი მოჰფინოს. რასიზმი კოლექტიური კიბოა“, - აცხადებს თურქეთის პრეზიდენტის წარმომადგენელი, იბრაჰიმ კალინი.

ინციდენტს დღეს ანგელა მერკელის „ქრისტიან-დემოკრატიული პარტიის“ ლიდერი, ანაგრეტ კრამპ-კარენბაუერი გამოეხმაურა. მისი თქმით, ქსენოფობია გერმანიის მზარდი პრობლემაა.

„საწამლავია ადამიანები მოწინააღმდეგეებად აღიქვა, შენი თავი სხვებზე უკეთესად მიიჩნიო, თანამოქალაქეები უცხოებად წარმოიდგინო - ეს საწამლავია, რომელიც უფრო და უფრო იპყრობს საზოგადოებას და კრიმინალისკენ უბიძგებს“,- განაცხადა კარენბაუერმა.

შეგახსენებთ, დღეს გერმანიის ქალაქ ჰანაუში, რომელიც ფრანკფურტთან ახლოს მდებარეობს, შეიარაღებული პირი ორ სხვადასხვა ლოკაციაზე ჩილიმ ბარებს დაესხა თავს, რის შედეგადაც დაიღუპა 9 და დაშავდა 4 ადამიანი.მოგვიანებით პოლიციამ დამნაშავე, თავის დედასთან ერთად გარდაცვლილი იპოვა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
ქართული პრესის მიმოხილვა 21.09.2020
რევაზ კოპალაძე - ქვეყნებში, სადაც გულშემატკივრობენ საქართველოს, მტკივნეულად აღიქვამენ სახელმწიფოს ჩარევას „კავკასუს ონლაინის“ სამეწარმეო თავისუფლებაში
რან გიდორი - სწრაფვა მშვიდობისკენ კორონავირუსის დასამარცხებლად