თორნიკე რიჟვაძე, ბათუმის მერთან ერთად, არდაგანის ტბის მიმდებარედ სანიაღვრე სატუმბი სადგურის მშენებლობის მიმდინარეობას გაეცნო

აჭარის მთავრობის თავმჯდომარე თორნიკე რიჟვაძე, ბათუმის მერთან ლაშა კომახიძესთან ერთად, არდაგანის ტბის მიმდებარედ სანიაღვრე სატუმბი სადგურის მშენებლობის პროცესის მიმდინარეობას გაეცნო. ამის შესახებ ინფორმაციას აჭარის მთავრობა ავრცელებს.

„ბათუმში წყალმომარაგება - წყალარინების კუთხით მასშტაბური პროექტები ხორციელდება. აღნიშნული პროექტი ითვალისწინებს წყალარინების სისტემების რეაბილიტაციას, რაც უხვი ნალექის დროს ქალაქის დატბორვის რისკებს მნიშვნელოვნად შეამცირებს“, - აღნიშნა თორნიკე რიჟვაძემ.

პროექტი, რომელიც მოიცავს სანიაღვრე არხებს, სატუმბ სადგურს და ზღვაში ჩამშვებ მილებს 2020 წელს დასრულდება და მისი ღირებულება 13 მლნ ევროა.

ამ ეტაპზე, სატუმბი სადგურის კედლებზე, სვეტებსა და გადახურვის კონსტრუქციაზე ბეტონის დასხმის სამუშაოები ხორციელდება. სატუმბ სადგურში სანიაღვრე წყლების შედინება ჯავახიშვილისა და ნინოშვილის სანიაღვრე არხების საშუალებით მოხდება.

სამუშაოები ბათუმის მუნიციპალური ინფრასტრუქტურის რეაბილიტაციის პროექტის ფარგლებში მიმდინარეობს და მშენებლობა მიმდინარე წელს დასრულდება.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა