აშშ-ის პრეზიდენტის დიდი ხნის მოკავშირესა და ყოფილ მრჩეველს, როჯერ სტოუნს 40-თვიანი პატიმრობა მიესაჯა. გასული წლის ნოემბერში 67 წლის სტოუნი 7 მუხლით სცნეს დამნაშავედ, მათ შორის არის კონგრესის წინაშე ტყუილის თქმა, დამაბრკოლებელი გარემოებების შექმნა და მოწმეებზე ზეგავლენის მოხდენა.
პროკურორები მის წინააღმდეგ 7-დან 9 წლამდე პატიმრობას ითხოვდნენ. სტოუნი ბრალდებებს პოლიტიკურად მოტივირებულს უწოდებს.
BBC-ის ინფორმაციით, სტოუნი ტრამპის მეექვსე მრჩეველია, რომელიც რობერტ მიულერის საქმის გამოძიების ფარგლებში სასამართლომ დამნაშავედ სცნო. სასამართლოზე ითქვა, რომ სტოუნმა ფიცის ქვეშ 5-ჯერ იცრუა, მათ შორის ტრამპის საარჩევნო კამპანიაზე მომუშავე ოფიციალურ პირებთან მისი საუბრების და WikiLeaks-ისთან შუამავლობის თაობაზე.