რუსეთის პრეზიდენტი ვლადიმერ პუტინი მიიჩნევს, რომ სირიაში ტერორიზმის საფრთხის გასანეიტრალებლად ეფექტური ზომების მიღებაა საჭირო, - ამის შესახებ კრემლის პრეს სამსახურის განცხადებაშია აღნიშნული, რომელიცპუტინს, საფრანგეთის პრეზიდენ ემანუელ მაკრონსა და გერმანიის კანცლერ ანგელა მერკელს შორის გამართული სატელეფონო საუბრების შემდეგ გავრცელდა.
რუსული მედიის ინფორმაციით, სატელეფონო დიალოგის დროს განსაკუთრებული ყურადღება სირიის კრიზისის მოგვარებასა და იდლიბის რეგიონში სიტუაციის ესკალაციასთან დაკავშირებულ საკითხებს დაეთმო.
„ვლადიმერ პუტინმა ხაზი გაუსვა სირიის არაბული რესპუბლიკის სუვერენიტეტისა და ტერიტორიული მთლიანობის დაცვით ტერორიზმის საფრთხის გასანეიტრალებლად ეფექტური ზომების მიღების აუცილებლობას,“- ნათქვამია კრემლის მიერ გავრცელებულ განცხადებაში.
მათივე ინფორმაციით, მაკრონმა და მერკელმა მზადყოფნა გამოთქვეს, ხელი შეუწყონ სირიაში დაძაბულობის შემცირებას.