მედიააკადემიაში ექსპერტმა ვიტორ ტომემ სემინარი ჩაატარა

კომუნიკაციების კომისიის ორგანიზებით, მედიააკადემიაში მედიაწიგნიერებისა და ციფრული მოქალაქეობის საერთაშორისო ექსპერტმა, ვიტორ ტომემ სემინარი ჩაატარა, - ამის შესახებ „ინტერპრესნიუსს“ საქართველოს კომუნიკაციების ეროვნული კომისიიდან აცნობეს.

მათივე ინფორმაციით, სემინარს, რომელიც მედიაწიგნიერებისა და ციფრული მოქალაქეობის თანამედროვე გამოწვევებსა და როლს ეხებოდა, კომუნიკაციების კომისიის, მედიაკადემიის, განათლების სამინისტროსა და თავად მედიის წარმომადგენლები ესწრებოდნენ.

საერთაშორისო მედიამკვლევარმა მონაწილეებს განათლებისა და მედიის სექტორში მედიაწიგნიერების საუკეთესო საერთაშორისო გამოცდილებები გაუზიარა. ექსპერტმა საქართველოში მედიაწიგნიერების მიმართულებით არსებული შესაძლებლობები, საჭიროებები და გამოწვევები შეაფასა.

“მე ჩამოვედი იმისთვის, რომ მედიაწიგნიერების სფეროში ევროპაში არსებული მდგომარეობა გაგაცნოთ და თქვენთან ერთად განვიხილო სხვადასხვა ორგანიზაციის მუშაობა. მათ შორის გაგიზიაროთ, რას აკეთებს ევროპის საბჭო და ევროკომისია მედიაწიგნიერების მიმართულებით. ჟურნალისტებისთვის და მედია კომპანიებისთვის ძალიან მნიშვნელოვანი და აუცილებელია ის, რასაც კომუნიკაციების კომისია და მედიააკადემია მედიაწიგნიერების განვითარებისთვის აკეთებს, ამ საქმით ბევრი ადამიანი მიიღებს სარგებელს. მნიშვნელოვან საქმეს აკეთებთ ასევე, მედიაკრიტიკის მიმართულებით, ამით თქვენ ატრენინგებთ, როგორც მედიას ისე მთელ საზოგადოებას. და თუ ამისთვის თქვენ გაკრიტიკებენ, ესეიგი საქმეს საუკეთესოდ აკეთებთ. ჩვენ ყველანი ახლა ვსწავლობთ და ვსაუბრობთ მედიაწიგნიერებაზე, როგორც მედია საქმიანობაზე, მედიაბიზნესზე. მედიაწიგნირება არის საჭირო, როგორც მედია ორგანიზაციებისთვის ისე მომხმარებლისთვის.” - განაცხადა ტომემ.

ვიტორ ტომე მედიაწიგნიერებისა და ციფრული მოქალაქეობის საერთაშორისო ექსპერტია, რომელიც წლების განმავლოაბში ევროპის საბჭოს ციფრული მოქალაქეობის ჯგუფის წევრი იყო, სადაც მცირეწლოვანთა წიგნიერებისა და მრავალმოდური პრაქტიკების მიმართულებით მუშაობდა. ვიტორ ტომე ასევე „მედია ევროპაში მრავალფეროვნების ინკლუზიურობისთვის“ და „სოციალური მედიის მნიშვნელობა დემოკრატიული მონაწილეობისთვის“ პროექტებს ხელმძღვანელობდა. ვიტორ ტომე ციფრული წიგნიერებისა და მოზარდებში მულტიმოდალური პრაქტიკის, ასევე, განათლების სექტორში ციფრული მოქალაქეობის და დემოკრატიული თანამონაწილეობის მკვლევარია, რომელიც პროგრამას „ციფრული წიგნიერების და მედიის როლი დემოკრატიული თანამონაწილეობისთვის“ ხელმძღვანელობდა. ის ასევე, ევროპის სხვადასხვა უნივერსიტეტში, მედიაწიგნიერებისა და ციფრული მოქალაქეობის შესახებ მაგისტრი ჟურნალისტებისა და განათლების სპეციალისტებისთვის კითხულობს ლექციებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო