აჭარის ტელევიზიის შენობასთან მოძრაობა „გაბედეს" წევრებმა საბჭოთა პერიოდის მედლები მიიტანეს
აჭარის ტელევიზიის შენობასთან მოძრაობა „გაბედეს" წევრებმა საბჭოთა პერიოდის მედლები მიიტანეს.
აქციის მონაწილეები აჭარის ტელევიზიის შენობაში შესვლას და მედლების გადაცემას არხის დირექტორის, გიორგი კოხრეიძისა და სამეურვეო საბჭოს წევრებისთვის გეგმავდნენ, თუმცა დაცვის თანამშრომლებმა შესვლის უფლება არ მისცეს.
აქციის მონაწილეების განცხადებით, საბჭოთა სიმბოლოები დირექტორსა და ბორდის წევრებთან ასოცირდება, „რადგან ისინი „ქართულ ოცნებას“ ემსახურებიან“.
შეგახსენებთ, აჭარის ტელევიზიის თანამშრომლები აცხადებენ, რომ სარედაქციო პოლიტიკის შეცვლას ხელისუფლების სასარგებლოდ არხის დირექტორი გიორგი კოხრეიძე ცდილობს.
