ის, რომ ვანო მერაბიშვილი პოლიტპატიმარია, არც ოპოზიციის და არც უმრავლესობის შეფასების საგანი არ არის. ეს სტრასბურგის ადამიანის უფლებათა სასამართლომ გადაწყვიტა, - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ ჟურნალისტებს განუცხადა.

მისი თქმით, ვანო მერაბიშვილის წინააღმდეგ დევნა პოლიტიკური ნიშნით განხორციელდა.

„ის, რომ ვანო მერაბიშვილი პოლიტპატიმარია, არც ოპოზიციის და არც უმრავლესობის შეფასების საგანი არ არის. ეს სტრასბურგის ადამიანის უფლებათა სასამართლომ გადაწყვიტა. ვანო მერაბიშვილმა, როგორც პოლიტპატიმარმა, ციხეში შვიდი წელი გაატარა. პოლიტიკური პატიმარი იმას ნიშნავს, რომ მის წინააღმდეგ დევნა პოლიტიკური ნიშნით განხორციელდა. შერჩევითი სამართლიანობა იმას ნიშნავს, რომ ხელისუფლება საკუთარი გუნდის წევრებს დიდ დანაშაულებში ხელს აფარებს, თუნდაც იმაში, რომ ბიუჯეტიდან დღგ-ს ანგარიშფაქტურებით 700 მლნ ლარი მოიპარეს, ჭანჭიკები დააპატიმრეს და ბობოლები თავისუფლები არიან,"- განაცხადა გოცირიძემ.