6 მარტს გასამართი Paul Kalkbrenner-ის ღონისძიების დეტალები ცნობილია

6 მარტს, ღონისძიებათა სერია Monument გერმანელ ვარსკვლავს Paul Kalkbrenner-ს თბილისში პირველად უმასპინძლებს. ერთდღიანი ღონისძიება Warehouse 7/მე-7 პავილიონში გაიმართება.

„ამ მასშტაბის არტისტის საქართველოში ჩამოყვანა საკმაოდ რთულია და პირველ რიგში კავშირშია იმ მოთხოვნებთან, რომელიც მას აქვს. Paul Kalkbrenner თბილისში პირველად ჩამოვა და ათასობით მსმენელის წინაშე წარდგება”, - აცხადებენ ღონისძიების ორგანიზატორები.

მათივე ინფორმაციით, Warehouse 7/მე-7 პავილიონი ახალი სივრცეა, სადაც 2019 წელს ფესტივალ Summer Set-ის ორი მასშტაბური ღონისძიება გაიმართა. საკონცერტო და საფესტივალო სივრცედ გადაკეთებული ძველი ქარხნის ტერიტორია 10 000-მდე სტუმარს იტევს.

„შარშან გამართული ღონისძიებების შემდეგ ჩვენ გავაგრძელეთ ვენიუზე მუშაობა, რომ ის კიდევ უფრო სრულფასოვანი გაგვეხადა, ყოფილი ქარხნის ტერიტორია ამჟამად მთლიანადაა ტრანსფორმირებული, შექმნილია ყველა პირობა იმისთვის, რომ მოსულმა სტუმარმა თავი კომფორტულად იგრძნოს: რბილი და სუფთა საცეკვაო მოედანი, ადგილი ქურთუკებისთვის, საპირფარეშოები, ადგილობირივი მოსახლეობა დაცულია ხმაურისგან. ეს უნიკალური ადგილია, რომელიც ამჯერად 6 მარტს კალკბრენერის ათასობით მსმენელს უმასპინძლებს”,-აცხადებს ღონისძიების კომუნიკაციების მენეჯერი ნიკა დვალიძე.

„Paul Kalkbrenner-ის კარიერა ბერლინში, კედლის დანგრევასთან ერთად დაიწყო. 1999 წლიდან მუსიკოსმა უკვე საკუთარი ნამუშევრები შესთავაზა მსმენელს. განსაკუთრებული პოპულარობა მუსიკოსს ფილმმა Berlin Calling მოუტანა, რომლის მთავარი გმირიც და მუსიკის ავტორიც თავად გახლდათ. ფილმის მთავარმა საუნდტრეკმა Sky & Sand პლატინის სტატუსი მოიპოვა და 121 კვირა დაჰყო ჩარტებში.

Paul Kalkbrenner-ის გარდა მისულ სტუმრებს მეორე ჰედლაინერი Henry Saiz დახვდებათ, რომელიც ელექტრონიკის, დისკოს, ჰაუს და ტექნოს ნაზავია. სცენას ასევე დაიკავებს ქართველი არტისტი Tade.

MONUMENT თბილისში დაფუძნებული ღონისძიებათა სერიაა, რომელმაც ბოლო წლების მანძილზე ცნობილ ბენდებსა და არტისტებს სხვადასხვა ლოკაციებზე უმასპინძლა“, - ნათქვამია ინფორმაციაში.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა