ადვოკატის ინფორმაციით, საჩხერეში მამის მკვლელობაში ბრალდებული არასრულწლოვანი დუმილის უფლებას იყენებს

საჩხერეში მამის მკვლელობაში ბრალდებული არასრულწლოვნის ადვოკატის განცხადებით, მისი დაცვის ქვეშ მყოფი ამ ეტაპზე დუმილის უფლებას იყენებს. ამის შესახებ „ინტერპრესნიუსს“ ადვოკატმა ესმა ნორაკიამ განუცხადა.

მისივე განმარტებით, 17 წლის მოზარდს საქმის მასალებიდან გამომდინარე, ფსიქიკური პრობლემები არ ჰქონია.

„ბოდიშის მოხდით, დეტალებთან დაკავშირებით ნაადრევად მიმაჩნია საუბარი. კონკრეტულ ფაქტებთან დაკავშირებით ამ ეტაპზე ვერაფერს მოგახსენებთ. მე მესმის საზოგადოებრივი ინტერესი, მაგრამ დაცვის ინტერესიდან გამომდინარე აღნიშნულ დეტალებზე საუბარი ჩემი, როგორც ადვოკატის მხრიდან, არამიზანშეწონილად მიმაჩნია. ამ ეტაპზე ჩემი დაცვის ქვეშ მყოფი დუმილის უფლებას იყენებს“,-განაცხადა ესმა ნორაკიამ.

კითხვაზე, ჰქონდა თუ არა არასრულწლოვანს ფსიქიკური ჯანმრთელობის პრობლემები, ადვოკატი პასუხობს, რომ საქმის მასალებს გაცნობილია და ასეთი არაფერია საქმეში.

„ამასთან დაკავშირებით მე არანაირი ინფორმაცია არ მაქვს და თავისთავად ცხადია ამაზე არაფერს ამბობს ჯერჯერობით სამედიცინო მასალები. საქმეში რაც არის ყველაფერს გაცნობილი ვარ და ასეთი არაფერია საქმეში. ამ ეჭვებს ამ ეტაპზე გამოვრიცხავ“,-აღნიშნა ადვოკატმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)