საზღვაო ტრანსპორტის სააგენტოს დირექტორი - შეიარაღებული პირების მიერ გატაცებული ქართველი მეზღვაურების ჯანმრთელობას საფრთხე არ ემუქრება

შეიარაღებული პირების მიერ გატაცებულ ქართველი მეზღვაურების ჯანმრთელობას საფრთხე არ ემუქრება,- ამის შესახებ საზღვაო ტრანსპორტის სააგენტოს დირექტორმა თამარ იოსელიანმა ჟურნალისტებს განუცხადა.

თამარ იოსელიანის ინფორმაციით, საზღვაო ტრანსპორტის სააგენტოს გემთმფლობელ კომპანიასთან აქტიური კომუნიკაცია აქვთ.

“გემთმფლობელთან კომუნიკაცია დღესაც შედგა, შესაბამისად, მივიღეთ განახლებული ინფორმაცია და დაზუსტებით შეგვიძლია ვთქვათ, რომ ჰაერში მოხდა გასროლა. გემზე მყოფი და გატაცებული ეკიპაჟის წევრებიდან არავინ არ დაშავებულა. კომუნიკაცია მქონდა ეკიპაჟის იმ წევრებთანაც, რომლებიც ამ დრომდე იმყოფებიან გემზე. მათ შორის არის ქართველიც, რომელმაც დამიდასტურა და არის უსაფრთხოდ, ჯანმრთელი და უვნებელი. რაც შეეხება გამტაცებლების მოთხოვნებს, პრაქტიკიდან გამომდინარე, რამდენიმე დღე გამტაცებლებთან კომუნიკაცია არ შედგება და შესაბამისად, უნდა დაველოდოთ მოვლენების განვითარებას”, - აღნიშნა იოსელიანმა.

ცნობისთვის, ლიბერიის დროშის ქვეშ მცურავი ტანკერიდან 10 მეზღვაური გაიტაცეს, მათ შორის 4 საქართველოს მოქალაქეა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით