აშშ-ის ნევადას შტატში გამართულ „დემოკრატების“ საპრეზიდენტო კონკურსში სენატორი ბერნი სანდერსი ლიდერობს, - ამის შესახებ ინფორმაციას „სი-ენ-ენი“ ავრცელებს.

წინასწარი მონაცემებით, სანდერსმახმების 46.6% მოიპოვა, აშშ-ის ყოფილმა ვიცე-პრეზიდენტმა ჯო ბაიდენმა კი 22.7%. მესამე ადგილზეა ქალაქ საუზ ბენდის ყოფილი მერი პიტ ბუტეჯეჯი, რომელმაც ამომრჩეველთა ხმების 14.5% მიიღო, მეოთხეზე კი - სენატორი ელიზაბეთ უორენი -8.9%-იანი მხარდაჭერით.

ამომრჩევლებს არჩევანის გაკეთება 33 კანდიდატს შორის უწევდათ.

შეგახსენებთ, სენატორმა ბერნი სანდერსმა ნიუ-ჰემფშირის შტატში რამდენიმე დღის წინ გამართულ პრაიმერშიც გაიმარჯვა. “დემოკრატების” მომდევნო შიდაპარტიული არჩევნები სამხრეთ კაროლინაში 29 თებერვალს გაიმართება, ხოლო ე.წ. „სუპერ სამშაბათი“, რომელიც 14 შტატში ერთდროულად იმართება 3 მარტსაა დაგეგმილი.

იხილეთ ვიდეო: ნევადაში გამართულ "დემოკრატების" საპრეზიდენტო პრაიმერში ბერნი სანდერსი ლიდერობს