საჩხერის სასტუმრო-კომპლექსში მოთავსებულ 2 პირს ტემპერატურა დაუფიქსირდა, თუმცა ამ დროისთვის მათი მდგომარეობა დამაკმაყოფილებელია

ჩინეთიდან დაბრუნებული საქართველოს მოქალაქეები ამ დრომდე საჩხერეში სასტუმროში არიან განთავსებული. საჩხერის სამედიცინო ცენტრის კლინიკური მენეჯერის მაია ხელაძის თქმით, 34-ვე პირი ექიმების მუდმივი მეთვალყურეობის ქვეშ იმყოფება.

მისივე თქმით, ორ პირს გუშინ 37 გრადუსი ტემპერატურა დაუფიქსირდა, თუმცა დღეის მდგომარეობით არც ერთ მათგანს მაღალი ტემპერატურა არ აღენიშნება და მათი მდგომარეობა დამაკმაყოფილებელია. ისინი იზოლირებული არიან და სასტუმროში ორი კვირის განმავლობაში დარჩებიან.

რაც შეეხება პირობებს, საჩხერის სამედიცინო ცენტრის კლინიკური მენეჯერის თქმით, საქართველოს 34 მოქალაქე დამაკმაყოფილებელ პირობებში იმყოფება.

ცნობისთვის, ჩინეთიდან საქართველოს 34 მოქალაქე 21 თებერვალს ღამით დაბრუნდა. მათ ქვეყანაში ჩამოსვლის სურვილი თავად გამოთქვეს, რის შემდეგაც შესაბამისი პროცედურები სახელმწიფომ უზრუნველყო. საქართველოს მოქალაქეები ორკვირიან კარანტინს საჩხერეში გაივლიან.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით