არჩილ თალაკვაძე - ჩვენმა ქვეყანამ ბევრი განსაცდელი გამოიარა და დღესაც დგას გამოწვევების წინაშე - ღმერთმა დალოცოს საქართველო

ჩვენმა ქვეყანამ ბევრი განსაცდელი გამოიარა და დღესაც დგას გამოწვევების წინაშე. მხოლოდ უანგარო მსახურებით, მხოლოდ თავდადებით და იმის განცდით, რომ სამშობლო არის უპირველესი, ჩვენ შევძლებთ, რომ ამ გამოწვევებს ვუპასუხოთ,- ამის შესახებ პარლამენტის თავმჯდომარე არჩილ თალაკვაძემ პარლამენტში იუნკერების ხსოვნისადმი მიძღვნილ ღონისძიებაზე სიტყვით გამოსვლისას განაცხადა.

მისი თქმით, საქართველო თავისუფლებისა და ტერიტორიული მთლიანობისთვის ბრძოლას აგრძელებს.

„დღეს ჩვენი ქვეყნის ისტორიის ტრაგიკული დღეა, მაგრამ ამავე დროს, ჩვენ ვართ ამაყები, რომ საქართველოს ისტორიის ეს მძიმე ფურცელი არის დაწერილი ჩვენი თანამოქალაქეების თავგანწირვით სამშობლოს წინაშე. წლების შემდეგ, როდესაც სამხედრო სკოლის იუნკერებმა თავი შესწირეს საქართველოს მთლიანობას, საქართველოს დამოუკიდებლობასა და თავისუფლებას, ჩვენი ქვეყანა აგრძელებს ბრძოლას თავისუფლებისთვის, ტერიტორიული მთლიანობისთვის და ამ ბრძოლას ძლიერ მაგალითად მოყვება ახალგაზრდების თავდადება, რომელთაც კოჯორსა და ტაბახმელაში თავი შესწირეს უთანასწორო ბრძოლას რუსეთის არმიასთან. ჩვენმა ქვეყანამ ბევრი განსაცდელი გამოიარა და დღესაც დგას გამოწვევების წინაშე. მხოლოდ უანგარო მსახურებით, მხოლოდ თავდადებით და იმის განცდით, რომ სამშობლო არის უპირველესი, ჩვენ შევძლებთ, რომ ამ გამოწვევებს ვუპასუხოთ. მინდა პატივი მივაგო ჩვენი გმირების ხსოვნას და პატივისცემა გამოვხატო, ქედი მოვიხარო მათი შთამომავლობის წინაშე, რომლებიც დღეს, აქ ჩვენთან არიან, ისევე, როგორც თითოეულ ჩვენს თანამოქალაქეს, მათაც ეამაყებათ ეს გმირული ისტორია. ღმერთმა დალოცოს საქართველო“,- განაცხადა თალაკვაძემ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს