საქასრიას ავტომაგისტრალზე დასაქმებული ჩინეთის 7 მოქალაქე ბორითის ობიექტზე გადაიყვანეს

ხარაგაულის მუნიციპალიტეტის სოფელ საქასრიაში ავტომაგისტრალის სამშენებლო ობიექტზე შეყვანილი ჩინეთის შვიდი მოქალაქე სხვა ობიექტზე გადაიყვანეს. ადგილზე დასაქმებული ქართველების პროტესტის შემდეგ, კომპანიამ სიტუაციის განმუხტვის მიზნით, ახლად ჩამოყვანილი ჩინელები ბორითში გადაიყვანა.

კომპანიის კოორდინატორის გოჩა კოპაძის თქმით, ქართველებმა იცოდნენ, რომ ჩინეთის მოქალაქეები ობიექტზე ერთი დღით იმყოფებოდნენ და სამედიცინო შემოწმებაც ჩატარებული ჰქონდათ, თუმცა მუშაობაზე უარი მაინც თქვეს. მისივე განმარტებით, ჩინეთის მოქალაქეები შემოწმებული არიან და კორონავირუსის სიმპტომები არ აქვთ.

კომპანიის წარმომადგენელის მტკიცებით, ისინი უსაფრთხოების მიზნით, იზოლირებული იქნებიან.

"მე შევხვდი მათ, ჯანმრთელად არიან, არაფერი სჭირთ. იზოლირებული იყვნენ ჩინეთშიც და აქაც ორი კვირა იზოლირებული იქნებიან. ცუდად, რომ იყვნენ, როგორ ფიქრობთ, არ შემეშინდებოდა? უბრალოდ, მშვიდად, რომ იყვენენ ადგილობრივები, გავიყვანეთ ბორითში, რომელიც მოშორებულია დასახლებულ პუნქტს", - განაცხადა გოჩა კოპაძემ.

გოჩა კოპაძე არ ადასტურებს მოქალაქეების გასაიდუმლოებული რეისით ჩამოყვანას და ამბობს, რომ შვიდმა ჩინელმა სამი ქვეყანა სხვა მოქალაქეებთან ერთად გაიარა და ჩვეულებრივი რეისით საქართველოში თურქეთიდან შემოვიდა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით