ფინანსთა მინისტრი ივანე მაჭავარიანი აცხადებს, რომ საკადრო ცვლილებებთან დაკავშირებით არანაირ ინფორმაციას არ ფლობს.
კითხვაზე, თავად შეეხება თუ არა გაზაფხულზე დაანონსებული ცვლილებები, მინისტრი ასე პასუხობს: „გაზაფხული ერთ კვირაშია. გულწრფელად გეუბნებით, წარმოდგენა არ მაქვს“.
„არსად მაგაზე საუბარი არ ყოფილა, მედიის გარდა“, - აცხადებს მაჭავარიანი.
შეგახსენებთ, „დაელოდეთ გაზაფხულს“, - ასე უპასუხა საქართველოს პრემიერ-მინისტრმა გიორგი გახარიამ სამთავრობო ცვლილებებთან დაკავშირებით ჟურნალისტის მიერ დასმულ კითხვას.
ცნობისთვის, მედიაში ვრცელდება ინფორმაცია შესაძლო სამთავრობო ცვლილებებთან დაკავშირებით. კერძოდ კი, ერთ-ერთი ვერსიით, შესაძლოა პრემიერ-მინისტრი გიორგი გახარია, სახელმწიფო უსაფრთხოების სამსახურის უფროსმა, გრიგოლ ლილუაშვილმა შეცვალოს.