რაც არ უნდა იძახოს ბატონმა თალაკვაძემ, მაგიდა თავის ადგილზეაო, მაგიდა არის აყირავებული,- ამის შესახებ „ევროპული საქართველოს“ წევრმა სერგი კაპანაძემ ჟურნალისტებს დიალოგთან დაკავშირებით განუცხადა.
მისივე თქმით, დიალოგის გაგრძელება მას შემდეგ იქნება შესაძლებელი, რაც ხელისუფლება პოლიტიკურ ლიდერებს გაათავისუფლებს.
„უმრავლესობასთან დიალოგი არის გაჩერებული მას მერე, რაც ივანიშვილმა გადაწყვეტილება მიიღო და დაიჭირა გიგი უგულავა, ამის მერე დიალოგის მაგიდა აყირავდა, რაც არ უნდა იძახოს ბატონმა თალაკვაძემ, მაგიდა თავის ადგილზეაო, მაგიდა არის აყირავებული უმრავლესობის მიერ, ამას საერთაშორისო პარტნიორების მხრიდან სწორი შეფასება მიეცა. ამიტომ, თუ ივანიშვილს სურს დიალოგის გაგრძელება, ძალიან მარტივია ამის მოხერხება, ამისთვის მან უნდა გაათავისუფლოს პოლიტიკური ლიდერები, შეწყვიტოს პოლიტიკური დევნა და შემდეგ დაუბრუნდეს დიალოგს პროპორციული საარჩევნო სისტემის ან მიახლოებული სისტემის ირგვლივ“,- განაცხადა სერგი კაპანაძემ.