არავითარი ცვლილებები, მთავრობა მუშაობს გამართულად, - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებს განუცხადა.

დეპუტატი მიიჩნევს, რომ აღნიშნულ საკითხთან დაკავშირებით დასმულ კითხვას პრემიერმა ლოგიკური პასუხი გასცა.

„იმდენჯერ დაისვა შეკითხვა, გაზაფხულზე არის ცვლილებები მოსალოდნელი, მედიისგან იქნება ეს თუ პოლიტიკური განცხადებები ამასთან დაკავშირებით, რომ პასუხი გაეცა სავსებით ლოგიკური. თუ მაინცდამაინც ამ შეკითხვას ვიმეორებთ ხშირად, კი ბატონო, მაშინ დაველოდოთ გაზაფხულს. მე ვამბობ, არავითარი ცვლილებები, სტაბილურობაა ქვეყანაში და მთავრობა მუშაობს გამართულად“, - განაცხადა გია ვოლსკიმ.

ცნობისთვის, მედიაში ვრცელდება ინფორმაცია შესაძლო სამთავრობო ცვლილებებთან დაკავშირებით. კერძოდ კი, ერთ-ერთი ვერსიით, შესაძლოა პრემიერ-მინისტრი გიორგი გახარია, სახელმწიფო უსაფრთხოების სამსახურის უფროსმა, გრიგოლ ლილუაშვილმა შეცვალოს.