ქუთაისში სოციალური საცხოვრისის ბენეფიციარებსა და მერიის საბინაო სამსახურის თანამშრომლებს შორის ფიზიკური დაპირისპირება მოხდა

ქუთაისში სოციალური საცხოვრისის ბენეფიციარებსა და მერიის საბინაო სამსახურის თანამშრომლებს შორის ფიზიკური დაპირისპირება მოხდა. დაზიანება მიიღო მერიის თანამშრომელმა ზურა ბურჯანაძემ.

მერიის საბინაო სამსახურის უფროსი და დაზარალებული თანამშრომელი პოლიციის განყოფილებაში დაკითხვაზე იმყოფებოდნენ.

მერიის საბინაო სამსახურის უფროსის ჯონი არაბიძის თქმით, დაპირისპირება მერიის თანამშრომლების მიერ საცხოვრისში უსახლკარო ქალის მოყვანას მოყვა.

"ზურა ბურჯანაძეს მარჯვენა თვალი აქვს დაზიანებული, ჩალურჯებული და მარცხენა საფეთქლის მხარეს ძლიერი დარტყმისგან ჩაქცევები აქვს მიღებული. სასწრაფომ არ ჩათვალა საჭიროდ მისი საავადმყოფოში გადაყვანა. მიღებული დაზიანებების დასადგენად ის გადაყვანილია ექსპერტიზაზე", - განაცხადა არაბიძემ.

უკვე დაკითხეს საცხოვრისის მცხოვრებლებიც. როგორც საცხოვრისის ბინადრები, აცხადებენ, მათ არ აქვთ, სურვილი საცხოვრისში კიდევ ერთმა ადამიანმა იცხოვროს, რადგან ფართები თვითონაც არ ჰყოფნით, რის გამოც მერიის თანამშრომლებს წინააღმდეგობა გაუწიეს.

"უკვე ვიყავით დაკითხვაზე, ვინ დაარტყა მერიის თანამშრომელს არ ვიცი, ხმაური და არეულობა იყო", - განაცხადა ერთ-ერთმა ბენეფიციარმა.

ადგილზე მობილიზებული იყო საპატრულო პოლიცია და სასწრაფო სამედიცინო დახმარების ჯგუფი. მომხდარზე გამოძიება მიმდინარეობს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით