საზოგადოებრივი მაუწყებლის აჭარის ტელევიზიისა და რადიოს საინფორმაციო სამსახურის ჟურნალისტები აქციას მართავენ და არხის დირექტორის გიორგი კოხრეიძის მიერ მიღებულ გადაწყვეტილებას აპროტესტებენ.
მათი თქმით, დირექტორმა მთავარი საინფორმაციო გამოშვების რედაქტორი მაია მერკვილაძე საინფორმაციო სამსახურს ჩამოაშორა და არ არსებული სამსახური შესთავაზა,რაც დაცინვაა.
"დღეს გაფორმდა, რომ სარედაქციო დამოუკიდებლობა საფრთხეშია. სურთ რომ ხალხის ხმა ჩაახშონ. დავგეგმავთ აქციებს და რადიკალურ ზომებს მივიღებთ", - აცხადებენ ჟურნალისტები.
მაია მერკვილაძის მიმართ ხელშეკრულების ცვლილებასთან დაკავშირებით კომენტარი გააკეთა, არხის დირექტორმა გიორგი კოხრეიძემ. მისი თქმით, მენეჯმენტი საგამოძიებო გუნდის გაძლიერებას გეგმავს.
"არხის გაძლიერების მიზნით უნდა არსებობდეს დებატების მსგავსი თოქ-შოუ წინასაარჩევნოდ, და შევთავაზეთ მაია მერკვილაძეს რედაქტორის პოზიცია. ჩვენ ასევე საგამოძიებო გუნდის გაძლიერებას ვგეგმავთ",- განაცხადა გიორგი კოხრეიძემ.