მილანის რეისით ქუთაისში ჩამოფრენილი 20 წლის გოგო ამ დრომდე ქუთაისის ინფექციურ საავადმყოფოში რჩება. ექიმ ნესტან ჭეიშვილის ინფორმაციით, პაციენტის ჯანმრთელობის მდგომარეობა სტაბილურია და მას ამ დროისთვის ტემპერატურა 37,2 უფიქსირდება. ექიმი ვარაუდობს, რომ გოგონას მწვავე ვირუსული ინფექცია აქვს, თუმცა ანალიზები ლუგარის ლაბორატორიაში გადაგზავნილია.

„პაციენტის ზოგადი მდგომარეობა სტაბილურია, არსებითი გართულებების გარეშე. ის რჩება კლინიკაში ბოქსირებულ პალატაში. ანალიზები გაგზავნილია ლუგარის ლაბორატორიაში და პასუხი ცნობილი დღეს ან ხვალ დილით იქნება. უტარდება მკურნალობა, ვიდრე კლინიკური მაჩვენებლები სტაბილური არ იქნება და იქამდე ჩვენთან დარჩება", -განაცხადა ნესტან ჭეიშვილმა.

იხილეთ ვიდეო: რა მდგომარეობაშია მილანის რეისით ქუთაისში ჩამოფრენილი 20 წლის გოგონა, რომელიც ქუთაისის ინფექციურ საავადმყოფოში რჩება