გაერთიანებული წყალმომარაგების კომპანიის დირექტორი, გიგა მანდარია, ლაგოდეხის მუნიციპალიტეტში წყალმომარაგების კუთხით არსებულ ვითარებას გაეცნო. კომპანიის დირექტორი, სოფელ ჭიაურის მოსახლეობას შეხვდა და წყალმომარაგების კუთხით ადგილობრივების პრობლემები მოისმინა.
როგორც „ინტერპრესნიუსს“ გაერთიანებული წყალმომარაგების კომპანიიდან აცნობეს, კომპანიის დირექტორის გრიგოლ მანდარიას დავალებით, ხვალ, ლაგოდეხში ექსპერტთა ჯგუფი ჩავა, რომელიც ადგილზე შეისწავლის არსებული ჭაბურღილების მდგომარეობას, საიდანაც ხდება სოფლების წყლით მომარაგება.
„სოფელ ჭიაურს, ჰერეთის კარსა და თამარიანს წყლის დებიტის სიმცირის გამო, წყალმომარაგება შეზღუდულად მიეწოდება.
ჯგუფის შესაფების დასკვნის საფუძველზე, დებიტის გაზრდის მიზნით, მოხდება ჭაბურღილების რეაბილიტაცია და აღნიშნულ სოფლებში მცხოვრები 1200-მდე ადამიანისთვის წყლის მიწოდების რეჟიმი მნიშვნელოვნად გაუმჯობესდება“, - ნათქვამია ინფორმაციაში.