დედისა და ბებიის მკვლელობაში ბრალდებულ 19 წლის ბიჭს ბრალი ოფიციალურად წარედგინა. როგორც „ინტერპრესნიუსს“ პროკურატურიდან აცნობეს, მას ბრალი განსაკუთრებული სისასტიკით, განზრახ მკვლელობისთვის წარუდგინეს.
„მ. ზ. -ს წარედგინა ბრალი 11'-109-მუხლის მე-2 ნაწილის "ბ" და "ვ" ქვეპუნქტებით და მე-3 ნაწილის "ა" და "ბ" ქვეპუნქტებით ( ოჯახის წევრების (ორი პირის) განზრახ მკვლელობა, განსაკუთრებული სისასტიკით, წინასწარი შეცნობით უმწეო მდგომარეობაში მყოფის მიმართ),“ - განუცხადეს ინტერპრესნიუსს პროკურატურაში.
შეგახსენებთ, შსს-ს ინფორმაციით, გამოძიებით დადგინდა, რომ ბრალდებულმა ბებია - 1946 წელს დაბადებული ზ.დ. და დედა - 1974 წელს დაბადებული თ.ზ., მათსავე საცხოვრებელ სახლში, წარსულში არსებული კონფლიქტის ნიადაგზე, მძინარე მდგომარეობაში ნაჯახით მოკლა.