ფოთის ჰოსპიტალში მაღალი ტემპერატურით 18 წლის გოგონა შეიყვანეს. ექიმების ინფორმაციით, პაციენტი საზოგადოებრივი ჯანდაცვის დაავადებათა კონტროლის პროტოკოლების რეკომენდაციით თბილისის ინფექციურ საავადმყოფოში გადაჰყავთ.
,,შემოიყვანეს პაციენტი, რომელიც ბოლო ორი კვირის განმავლობაში იმყოფებოდა სამოგზაუროდ იტალიაში. მაღალი ტემპერატურა მისცა და მომართა კლინიკას. საზოგადოებრივი ჯანდაცვის დაავადებათა კონტროლის ცენტრის რეკომენდაციების გათვალისწინებით გოგონა მოთავსებულია იზოლირებულ, ინფექციურ ბოქსში, გამოძახებულია რეანიმობილი და გადაგვყავს ინფექციურ საავადმყოფოში შემდგომი გამოკვლევებისთვის. პაციენტის მდგომარეობა ამ ეტაპზე დამაკმაყოფილებელია“,- განუცხადა ჟურნალისტებს ჰოსპიტალის მენეჯერმა თეა მიგინეიშვილმა.