სარფის საბაჟო-გამშვებ პუნქტზე მოქალაქეები თავისუფლად გადაადგილდებიან, თუმცა მათი უმრავლესობა აცხადებს, რომ სარფის საბაჟო გამშვებ პუნქტზე სამედიცინო კონტროლი ნაკლებად მიმდინარეობს.

როგორც მოქალაქეები „ინტერპრესნიუსის“ კორესპონდენტთან საუბარში აცხადებენ, საბაჟოზე მედიკოსები იმყოფებიან, თუმცა ყველას არ ამოწმებენ.

მათივე ინფორმაციით, სარფის საბაჟოსთან ირანიდან შემოსული ოთხი მოქალაქიდან ერთი უკან დააბრუნეს.

„ქართველებს თავისუფლად ატარებენ. იყო შემთხვევა, როცა ირანიდან შემოსული ოთხი მოქალაქიდან უკან ერთი დააბრუნეს. არ ვიცი რომელი ქვეყნის მოქალაქეები იყვნენ, თუმცა ირანიდან მოდიოდნენ და ამიტომ დააბრუნეს. მებაჟეები გვეკითხებიან, თუ რომელი ქვეყნიდან მოვდივართ, თავად მებაჟეები კი არიან სამედიცინო ნიღბებით აღჭურვილი",- აცხადებს ერთ-ერთი მოქალაქე.

იხილეთ ვიდეო: ვითარება სარფის გამშვებ პუნქტზე - მოქალაქეთა უმრავლესობა აცხადებს, რომ მათ საზღვარზე სამედიცინო კონტროლი არ უტარდებათ