საფრანგეთის პრეზიდენტი ემანუელ მაკრონი პარიზის იმ საავადმყოფოს ეწვია, სადაც კორონავირუსით ინფიცირებული პირი დაიღუპა. ექიმებთან საუბრისას მაკრონმა აღნიშნა, რომ ქვეყანა კრიზისა და ეპიდემიის საფრთხის წინაშეა.

„ჩვენ კრიზის წინაშე ვართ, ეპიდემია ახლოვდება“,- განაცხადა მაკრონმა.

პრეზიდენტმა ასევე მადლობა გადაუხადა ექიმებს და აღნიშნა, რომ მათი მუშაობით „გულაჩუყებულია“.

„მე თქვენი იმედი მაქვს და თქვენ ჩემი იმედი გქონდეთ, რომ ჩვენ ერთად ვიმუშავებთ და პასუხს გავცემთ გამოწვევას“,-აღნიშნა მაკრონმა.