ავსტრიის საგარეო უწყების წარმომადგენელი - ავსტრიას აქვს განსაკუთრებული ინტერესი საქართველოს განვითარების მიმართულებით

ავსტრიის რესპუბლიკის ევროპულ და საგარეო საქმეთა სამინისტროს გენერალური დირექტორი ალექსანდერ მარშიკი თბილისში მიმდინარე რეგიონალურ ამბასადორიალს ეხმიანება.

როგორც „ინტერპრესნიუსს“ საქართველოს საგარეო საქმეთა სამინისტროდან აცნობეს, ავსტრიელმა დიპლომატმა მადლობა გადაუხადა საქართველოს საგარეო საქმეთა მინისტრს დავით ზალკალიანს ავსტრიის რეგიონალური ამბასადორიალის საქართველოში მასპინძლობისთვის და კონფერენციის გახსნისთვის.

მან აღნიშნა, რომ ავსტრია კარგად იცნობს ქვეყნის პოზიტიურ მიღწევებს, ასევე საქართველოში არსებულ გამოწვევებს.

„საქართველოში ჩამოსვლა რამდენიმე მიზეზის გამო გადავწყვიტეთ. პირველი - ეს ორმხრივი პოლიტიკური კონსულტაციების გამართვაა, რომელმაც ძალიან წარმატებულად ჩაიარა. განვიხილეთ ორმხრივი თანამშრომლობის ძირითადი საკითხები და კვლავ დავადასტურეთ საქართველოს სუვერენიტეტისა და ტერიტორიული მთლიანობის ჩვენი ურყევი მხარდაჭერა. ვიზიტის მეორე მიზანს წარმოადგენს ინტერესი საქართველოს განვითარების მიმართულებით. ავსტრიის განვითარების სააგენტოს (ADA) შეხვედრებს მართავს ქართულ მხარესთან და იხილავს თანამშრომლობის სამომავლო გეგმებს. ეს კიდევ ერთხელ ხაზს უსვამს თუ რამდენად ვაფასებთ საქართველოს პრიორიტეტულობას დახმარების პროგრამების შემუშავების პროცესში“ ,- განაცხადა მარშიკმა.

უწყების ინფორმაციით, ალექსანდერ მარშიკი საქართველოს ავსტრიის საგარეო საქმეთა სამინისტროს რეგიონული ამბასადორიალის ფარგლებში სტუმრობს, რომელშიც მონაწილეობას იღებენ აღმოსავლეთ პარტნიორობისა და ცენტრალური აზიის ქვეყნებში, ასევე რუსეთის ფედერაციაში აკრედიტებული ავსტრიის დიპლომატიური მისიების ხელმძღვანელები, ასევე ქვეყნის საგარეო საქმეთა სამინისტროსა და ADA-ს წარმომადგენლები.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა