ოკუპირებული „სამხრეთ ოსეთის“ ტერიტორიაზე კორონავირუსის გავრცელების თავიდან აცილების მიზნით, დე ფაქტო რეჟიმის ე.წ. უშიშროების საბჭომ მიიღო გადაწყვეტილება, რომლის თანახმადაც 20:00 საათიდან დანარჩენ საქართველოსთან დამაკავშირებელი ყველა შესასვლელი პუნქტი ჩაკეტა. აღნიშნული შეზღუდვა განსაკუთრებული განკარგულების გამოცემამდე იმოქმედებს. ამის შესახებ სააგენტო „რესი“ ე.წ. უშიშროების კომიტეტზე დაყრდნობით იუწყება.

სააგენტოს ინფორმაციით, ამასთან ერთად, ე.წ. სამხრეთ ოსეთში შეიმუშავებენ საპროფილაქტიკო ზომების გეგმას და რუსეთის შესაბამის სამსახურებთან ურთიერთმოქმედების წესებს, „მოქალაქეებს“ მიეცათ რეკომენდაცია, თავი შეიკავონ სხვა სახელმწიფოებში წასვლისგან.