აფხაზეთის დე ფაქტო რეჟიმმა დანარჩენ საქართველოსთან დამაკავშირებელ „საზღვარზე“ კონტროლი გაამკაცრა

გალის მოსახლეობის მცხოვრებლებისთვის საქართველოს დანარჩენ ტერიტორიაზე შესასვლელი საშვების გაცემა 7 აპრილამდე შეწყდა, რაც საქართველოში კორონავირუსის ფაქტს უკავშირდება. „სპუტნიკ-აბხაზიას“ ინფორმაციით, ამის შესახებ ოკუპირებული აფხაზეთის დე ფაქტო ჯანდაცვის სამინისტროში განაცხადეს.

„საქართველოსთან საზღვარზე გამშვები პუნქტი გამკაცრდება და ორივე მიმართულებით არავის მიეცემა უფლება, საზღვარი გადაკვეთოს. ფსოუს მხრიდან კი რუსეთის მოქალაქეებს შეუძლიათ საზღვრის გადმოკვეთა. დროებით შეწყდება საქართველოში გადასასვლელი მოწმობების გაცემა გალის რაიონის მცხოვრებლებისთვის. უხეშად რომ ვთქვათ, კარანტინია შემოღებული“, - განაცხადეს დე ფაქტო უწყებაში.

თუმცა, ოკუპირებული აფხაზეთის ე.წ. უშიშროების სამსახურში ჯერ კიდევ არ ადასტურებენ, რომ გალის რაიონის მცხოვრებლებისთვის მოწმობების გაცემა შეწყდა. მათი განცხადებით, ჯერჯერობით მუშაობენ ე.წ. პრემიერ-მინისტრის დადგენილების ფარგლებში, რომლის თანახმადაც 7 აპრილამდე უცხო ქვეყნის მოქალაქეებისა და მოქალაქეობის არმქონე პირებისთვის აფხაზეთში შესვლაზე შეზღუდვები წესდება.

იხილეთ ვიდეო: საოკუპაციო ძალებმა ოკუპირებულ ტერიტორიებზე შესვლა შეზღუდეს

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა