გაეროს გენერალური მდივანი მხარეებს სირიაში ცეცხლის დაუყოვნებლივ შეწყვეტისკენ მოუწოდებს

გაეროს გენერალური მდივანი ანტონიო გუტიერეში სირიაში სიტუაციის ესკალაციის გამო შეშფოთებას გამოხატავს და მხარეებს ცეცხლის დაუყოვნებლივ შეწყვეტისკენ მოუწოდებს, - ამის შესახებ გაეროს პრესსპიკერის, სტეფან დიუჟარიკის, მიერ გავრცელებულ განცხადებაშია აღნიშნული.

„გენერალური მდივანი უკიდურესი შეშფოთებით ადევნებს თვალს ჩრდილო-დასავლეთ სირიაში სიტუაციის ესკალაციას და ინფორმაციას ავიაიერიშის შედეგად დაღუპული ათობით თურქი ჯარისკაცის შესახებ,“- ნათქვამია განცხადებაში.

გაეროს პრესსპიკერი აღნიშნავს, რომ ანტონიო გუტიერეში განსაკუთრებულ შეშფოთებას გამოხატავს იმ რისკის გამო, რაც სამხედრო მოქმედებების ესკალაციის გამო მშვიდობიან მოსახლეობას ემუქრება.

„გენერალური მდივანი კვლავ აგრძელებს მოწოდებას ცეცხლის დაუყოვნებლივ შეწყვეტის შესახებ და განსაკუთრებულ შეშფოთებას გამოხატავს იმ რისკის გამო, რაც სამხედრო მოქმედებების ესკალაციის გამო მშვიდობიან მოსახლეობას ემუქრება,“ - ნათქვამია განცხადებაში.

გაეროს პრესპიკერის განმარტებით, თუკი ცეცხლის შეწყვეტა სასწრაფოდ არ განხორციელდება, „კიდევ უფრო დიდი ესკალაციის რისკი ყოველ საათში იზრდება.“

რუსეთის მიერ მხარდაჭერილმა სირიის სამთავრობო ძალებმა იდლიბის პროვინციაში საჰაერო თავდასხმები განახორციელეს, რასაც 33 თურქი სამხედრო ემხვერპლა, 30-ზე მეტი კარისკაცი კი დაჭრილია.

იხილეთ ვიდეო: გაეროს გენერალური მდივანი მხარეებს სირიაში ცეცხლის დაუყოვნებლივ შეწყვეტისკენ მოუწოდებს

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)