საჩხერეში სამედიცინო ცენტრთან არსებულ სასტუმროში ჩინეთიდან ჩამოყვანილი საქართველოს 31 მოქალაქე რჩება, 3 კი თვითიზოლაციაში გადავიდა
საჩხერეში სამედიცინო ცენტრთან არსებულ სასტუმროში ჩინეთიდან ჩამოყვანილი საქართველოს 31 მოქალაქე რჩება. სამედიცინო ცენტრის მენეჯერის მაია ხელაძის თქმით, სამმა მოქალაქემ სასტუმრო შესაბამისი ნებართვის საფუძველზე დატოვა და თვითიზოლაციაში გადავიდა.
ექიმის თქმით, წასვლის სურვილი მოქალაქეებმა გამოთქვეს, შემოწმდა რამდენად სათანადოდ იყო იზოლირებული მათი ბინა და ამის შემდეგ დატოვეს სასტუმრო.
რაც შეეხება 31 მოქალაქეს, მათი ჯანმრთელობის მდგომარეობა დამაკმაყოფილებელია და ვირუსისთვის დამახასიათებელი სიმპტომი არ აღენიშნებათ. ისინი მერვე დღეა იზოლაციაში რჩებიან და კლინიკას ერთ კვირაში დატოვებენ.
