სერგი კაპანაძე მიიჩნევს, რუსეთს დეპორტაციის გამო, საქართველოს მოსახლეობისთვის კომპენსაციის გადახდისგან თავის არიდების საბაბი საქართველოს ხელისუფლებამ მისცა

„ევროპული საქართველოს" წევრი სერგი კაპანაძე აცხადებს, რომ რუსეთს 2006 წელს, დეპორტაციის გამო, საქართველოს დაზარალებული მოსახლეობისთვის კომპენსაციის გადახდისგან თავის არიდების საბაბი საქართველოს ხელისუფლებამ მისცა.

კაპანაძის თქმით, „კონკრეტული შეცდომები დაუშვა მაშინ პირადად თეა წულუკიანმა, რომელმაც მიიღო არასწორი გადაწყვეტილებები“.

„ჩვენ გვახსოვს, ეს იყო ძალიან მტკივნეული პროცესი, რომელსაც ადამიანების სიცოცხლეც შეეწირა.

ძალიან სამწუხაროა, რომ საბაბი, რომელსაც ახლა რუსეთი იყენებს, რომ არ არის დაზუსტებული იმ ადამიანების სია, ვისთვისაც კომპენსაცია უნდა იყოს გაღებული, მისცა მას დღევანდელმა ხელისუფლებამ. იმიტომ, რომ თავის დროზე სხვადასხვა ვადები იქნა გამოტოვებული, არ იქნა სიები დაზუსტებული და რუსეთი ახლა ამას იყენებს საბაბად. მიუხედავად იმისა, რომ ამ შემთხვევაში ხელისუფლებამ მძიმე შეცდომა დაუშვა, ეს არ ამართლებს რუსეთს. მან უნდა შეასრულოს ევროსაბჭოს ეგიდით აღებული ვალდებულებები. რა თქმა უნდა, ჩვენ ახლა უნდა გამოვიყენოთ ყველა ჩვენს ხელთ არსებული საერთაშორისო სამართლებრივი ბერკეტი, რომ რუსეთი ვაიძულოთ ვალდებულება შეასრულოს ან თუ არ შეასრულებს ამისი ფასი იყო გაზრდილი“,-აცხადებს კაპანაძე.

ცნობისთვის, რუსეთი ადამიანის უფლებათა სასამართლოს გადაწყვეტილების შესრულებასთან დაკავშირებით, რომელმაც რუსეთის ფედერაციას 2006 წელს საქართველოს მოქალაქეების დეპორტაციის გამო, საქართველოს მოქალაქეებისთვის კომპენსაციის სახით 10 მილიონი ევროს გადახდა დააკისრა, პირობებს აყენებს.

კერძოდ, ეს დაკავშირებულია იმასთან, რომ თბილისმა უნდა შეადგინოს დაზარალებულთა ზუსტი სია, დააზუსტოს დარღვევები, რომელთა გამო დაზარალდა თითოეული მოქალაქე და დაზუსტდეს თანხის ოდენობა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება