ყველაფერს ვაკეთებთ, რომ სიტუაცია კონტროლირებადი იყოს, - ამის შესახებ აჭარის ჯანდაცვის მინისტრმა ზაალ მიქელაძემ განაცხადა.
მისივე თქმით, კორონავირუსთან დაკავშირებით პრევენციული ღონისძიებები აქტიურად ხორციელდება.
„აჭარაც საქართველოს სხვა რეგიონებთან ერთად აქტიურად არის ჩართული პრევენციული ღონისძიებების გეგმაში. ჩვენი მხრიდან დამატებითი ბრიგადით უზრუნველვყავით საზღვარი. ისმოდა კითხვები, რატომ არ მოწმდება ყველა მოქალაქე. ამის აუცილებლობა არ არის, რადგან შემოსვლის დროს საბაჟო სამსახური წინასწარ ფლობს ინფორმაციას თუ ვის შეიძლება ჰქონოდა რაიმე კავშირი იმ ქვეყნებთან, სადაც არის დაფიქსირებული კორონავირუსი. ამ ეტაპისთვის ჩვენს რეგიონში საეჭვო სიმპტომების შემთხვევა არ არის დაფიქსირებული“, - განაცხადა ზაალ მიქელაძემ.