იმერეთის დანიშნულების ადგილის მართვის ორგანიზაციამ, სახელმწიფო რწმუნებულის ადმინისტრაციაში საქმიანობის ანგარიში წარადგინა

იმერეთის დანიშნულების ადგილის მართვის ორგანიზაციამ, სახელმწიფო რწმუნებულის ადმინისტრაციაში საქმიანობის ანგარიში წარადგინა. ამის შესახებ ინფორმაციას იმერეთში სახელმწიფო რწმუნებულის პრესსამსახური ავრცელებს.

მათივე ცნობით, იმერეთში სახელმწიფო რწმუნებულმა ზვიად შალამბერიძემ, პირველმა მოადგილემ იოსებ ხახალეიშვილმა, მოადგილემ ლევან კიკნაველიძემ და მუნიციპალიტეტების მერებმა ორგანიზაციის მუშაობის სტრატეგია, სამომავლო გეგმებისა და განხორციელებული საქმიანობის შესახებ მოისმინეს ინფორმაცია.

სამეთვალყურეო საბჭომ, რომლის წევრები მუნიციპალიტეტების მერები არიან, წესდების თანახმად აღნიშნული სტრატეგია განიხილა.

სამოქმედო გეგმა საერთო კრებაზე მიღებული რეკომენდაციებისა და წინადადებების საფუძველზე ხმათა უმრავლესობით მტკიცდება.

„დღეს სამეთვალყურეო საბჭოს წარვუდგინეთ DMO Imereti-ს ხედვა და კონკრეტული პროექტები, რომლებიც ხელს შეუწყობენ რეგიონში ტურიზმის განვითარებას. ჩვენთვის მნიშვნელოვანია სამეთვალყურეო საბჭოს წევრების წინადადებები და ინიციატივები აღნიშნულ პროცესში, რადგანაც DMO Imereti-ს ტიპის ორგანიზაციის სწორი განვითარების აუცილებელი წინაპირობაა მყარი საკოორდინაციო სისტემის ჩამოყალიბება", - განაცხადა DMO Imereti-ს ხელმძღვანელმა ტატო ლილუაშვილმა.

DMO Imeret 2019 წლის ოქტომბრიდან ფუნქციონირებს, ორგანიზაციის მთავარი ამოცანაა რეგიონში ტურისტული პოლიტიკის განსაზღვრა და განხორციელება.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით