ირანის პარლამენტის ოთხ დეპუტატს კორონავირუსი დაუდგინდა. ინფორმაციას „ტვიტერის“ საკუთარ გვერდზე დეპუტატი მუჰამედ ალი ვეკილი ავრცელებს. მისი თქმით, თავდაპირველად კორონავირუსი პარლამენტის ორ დეპუტატს დაუდგინდა, ხოლო მოგვიანებით კიდევ- ორს.

ვეკილი არ ასახელებს დეპუტატების ვინაობას, თუმცა აცხადებს, რომ ანალიზი 30-მა დეპუტატმა ჩააბარა და ოთხმა მათგანმა დადებითი შედეგი აჩვენა.

გუშინ, ასევე ცნობილი გახდა, რომ კორონავირუსი ირანის ვიცე-პრეზიდენტს ქალთა და ოჯახის საქმეებში, მასიმე ებტეკარს დაუდგინდა.

დაინფიცირებულია ქვეყნის ჯანდაცვის მინისტრის მოადგილეც.