თელავის მუნიციპალიტეტში ხანძარია. სოფელ რუისპირში ცეცხლი უფუნქციო შენობას უკიდია. ადგილზე მეხანძრე მაშველთა რამდენიმე ჯგუფი მუშაობს, თუმცა ლოკალიზება ვერ ხერხდება. ქარი ქრობის სამუშაოებს აფერხებს. ხანძრის დროს არავინ დაშავებულა.
ადგილობრივების ინფორმაციით, ცეცხლის სოფლებზე გავრცელების საშიშროება არსებობს.
თავის მხრივ, რაიმე ტიპის საშიშროებას გამორიცხავენ საგანგებო სიტუაციების მართვის სამსახურში. მათი ინფორმაციით, ადგილზე 4 ჯგუფია მობილიზებული, ცეცხლი ლოკალიზებულია, მისი გავრცელების საფრთხე არ არის და შესაბამისად, მოსახლეობასაც საფრთხე არ ემუქრება.
რა გახდა ხანძრის მიზეზი, უცნობია.