კორონავირუსის პრევენციის მიზნით, თბილისის საქალაქო სასამართლოში სადეზინფექციო სამუშაოები ჩატარდა. აღნიშნული ინფორმაცია „ინტერპრესნიუსს“ თბილისის საქალაქო სასამართლომ მიაწოდა.

როგორც სასამართლოს ინფორმაციაშია აღნიშნული, შენობის საჯარო სივრცეები, კერძოდ მოქალაქეთა მომსახურების ცენტრი, სასამართლოს კორიდორები და სხდომათა დარბაზები, ასევე სასამართლოს დროებითი მოთავსების საკნები სპეციალური სადეზინფექციო საშუალებებით დამუშავდა.

სამუშაოები დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციის საფუძველზე განხორციელდა.