ფოთის მუნიციპალიტეტში ახალი კორონავირუსის შესაძლო გავრცელების აღკვეთის ღონისძიებებისა და ახალი კორონავირუსით გამოწვეული დაავადების შემთხვევებზე ოპერატიული რეაგირებისათვის საკოორდინაციო საბჭო შეიქმნა. როგორც „ინტერპრესნიუსს“ ფოთის მერიის პრესსამსახურიდან აცნობეს, საბჭოს მუშაობაში მერიის სამსახურების, საზოგადოებრივი ჯანდაცვის ცენტრის, განათლების რესურსცენტრის, სკოლამდელი გაერთიანების და სხვა აიპების ხელმძღვანელები არიან ჩართული.
მათი ინფორმაციით, ფოთის მუნიციპალიტეტის მერის გოჩა კურდღელიას ხელმძღვანელობით, საბჭოს პირველი სხდომა გაიმართა. საბჭოს გადაწყვეტილებით, პროფილაქტიკის მიზნით, სკოლებში, სკოლამდელ, სკოლისგარე დაწესებულებებსა და სახელმწიფოებრივ უწყებებში, აგრეთვე საზოგადოებრივ ტრანსპორტში სადეზინფექციო სამუშაოები ჩატარდება.
საგაზაფხულო არდადეგები სკოლებსა და სკოლამდელ დაწესებულებებში 9 მარტის ნაცვლად, 2 მარტიდან დაიწყება და 16 მარტამდე გაგრძელდება.
საბჭოს სხდომაზე კიდევ ერთხელ ხაზგასმით აღინიშნა, რომ პანიკის საფუძველი არ ქალაქში არ არსებობს. დაიგეგმა ღონისძიებები საჭიროებისამებრ გასატარებლად.