უმაღლესი საბჭოს თავმჯდომარე დავით გაბაიძე და უმაღლესი საბჭოს თავმჯდომარის მოადგილე მერაბ კარანაძე, ქვემო სილეზიის რეგიონული პარლამენტის მიწვევით, ქვემო სილეზიაში, სამმხრივ რეგიონულ საპარლამენტო შეხვედრას დაესწრნენ. ამის შესახებ „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს.

მათი ინფორმაციით, თანამშრომლობის სამმხრივი, რიგით მეორე სამიტი ბრანდენბურგის ლანდტაგს, ქვემო სილეზიის სეიმიკსა და აჭარის უმაღლეს საბჭოს შორის თანამშრომლობის გაღრმავებასა და ერთობლივი პროექტების განხორციელებას ისახავს მიზნად.

მომდევნო სამმხრივი შეხვედრა ქ. ბათუმში, მიმდინარე წლის სექტემბერში გაიმართება და მას ახალგაზრდა ლიდერებიც დაესწრებიან.