სამხრეთ კორეის დედაქალაქში, ადგილობრივი რელიგიური ჯგუფის ლიდერების წინააღმდეგ საქმე აღიძრა. ინფორმაციას „ალ ჯაზირა“ ავრცელებს. საქმის პროკურორები აცხადებენ, რომ ერთ-ერთი რელიგიური სექტის ლიდერებმა, სადაც პირველად კორონავირუსის გავრცელება მოხდა, არ ითანამშრომლეს შესაბამის სტრუქტურებთან, რის გამოც ვირუსი მთელ ქვეყანაში გავრცელდა. სეულის მერი აცხადებს, რომ ამ პირებს ზუსტი და დროული ინფორმაცია რომ მიეწოდებინათ, ეფექტური ზომები გატარდებოდა იმ ადამიანთა დასაცავად, ვინც მოგვიანებით ვირუსით დაიღუპა.

BBC-ის ინფორმაციით, ოფიციალურ პირებს მიაჩნიათ, რომ რელიგიური ჯგუფის წევრებმა ერთმანეთი დააინფიცირეს, რამაც ქვეყანაში კორონავირუსის ფართო გავრცელება გამოიწვია.