ზუგდიდის ბაზარში პურის ფასის გაძვირებას აპროტესტებენ

ზუგდიდის ბაზარში პურის ფასის გაძვირებას აპროტესტებენ. მოვაჭრეები ამბობენ, რომ ფასმა ბოლო ორი კვირის განმავლობაში 20 თეთრით მოიმატა. მათი თქმით, ამის გამო კლიენტები უკმაყოფილებას გამოთქვამენ.

„ისედაც უჭირს ხალხს და ბოლო ორი კვირის განმავლობაში პური 20 თეთრით გაძვირდა. ადრე თუ ღირდა 50 თეთრი, ახლა ღირს 70 თეთრი. არსად არ გაძვირებულა, მხოლოდ ჩვენთან გაძვირდა, გვაინტერესებს მიზეზი, მყიდველებიც აგრესიაზე გადმოდიან, ისედაც უჭირს ხალხს. ვითხოვთ, რომ თავის ფასს დაუბრუნდეს“, - ამბობენ გამყიდველები.

თავის მხრივ, მეწარმეები ამბობენ რომ პურის ფასს მხოლოდ ათი თეთრი მოემატა, რაც პურის ფქვილის გაძვირებამ გამოიწვია.

საცხობ "ლეკოს" წარმომადგენელი გოჩა ბეჭვაია ამბობს, რომ პურ-ფუნთუშეული შარშან უნდა გაეძვირებინათ, მაგრამ ეს გადაწყვეტილება ზუგდიდში არსებული სოციალური მდგომარეობის გამო არ მიიღეს.

„ადრე პურის ფქვილი 36 ლარი ღირდა, ახლა ღირს 53 - 54 ლარი, რომელიც შემოგვაქვს ხან თბილისიდან, ხან -ბათუმიდან. იძულებული ვართ გავზარდოთ ფასი. მხოლოდ და მხოლოდ 10 თეთრი მოვუმატეთ. შარშან უნდა მომატებულიყო, მაგრამ გამომდინარე იქიდან, რომ ზუგდიდში სხვა სიტუაცია, არ მივიღეთ ეს გადაწყვეტილება. წარმოებები გაკოტრების პირას არიან, ხომ უნდა გავცეთ ხელფასები? ძალიან რთული მდგომარეობა გვქონდა და იძულებული გავხდით 10 თეთრი მოგვემატებინა", - აცხადებს გოჩა ბეჭვაია.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა