ბათუმში, ინფექციური საავადმყოფოს ბოქსირებულ განყოფილებაში მყოფ შუახნის მამაკაცს კორონავირუსი არ დაუდასტურდა. კვლევის შედეგები ცოტა ხნის წინ გახდა ცნობილი.

როგორც აჭარის ჯანდაცვის მინისტრის მოადგილე ნინო ნიჟარაძე აცხადებს, შუახნის მამაკაცმა, ბათუმის ინფექციური საავადმყოფო უკვე დატოვა. ის იტალიიდან გუშინ ჩამოვიდა და მას ტემპერატურა აღენიშნებოდა.

"პაციენტს, რომელიც გუშინ მოათავსეს სამედიცინო კარანტინში კორონავირუსი ლაბორატორიულად არ დაუდგინდა. მან დატოვა სამედიცინო დაწესებულება და თვითიზოლაციაში გააგრძელებს მეთვალყურეობას, თუმცა ის პრაქტიკულად ჯანმრთელია. რაც შეეხება მეორე შემთხვევას, მისი ნიმუშის ტრანსპორტირება ხვალ დილით მოხდება. მისი ჯანმრთელობის მდგომარეობა დამაკმაყოფილებელია," - განაცხადა ნინო ნიჟარაძემ.

ცნობისთვის, ბათუმის ინფექციურ საავადმყოფოს ბოქსირებულ განყოფილებაში კიდევ ერთი მოქალაქე იმყოფება. აღნიშნული პაციენტის კვლევის შედეგი ხვალ გახდება ცნობილი.